Golf-kluba
Gure GOLF KLUBAK zelaia, instalazioak eta ingurune ezin ederragoa eskaintzen ditu Bilboko hiritik hurbil, gure bazkideak, senideak eta adiskideak gustukoen daukaguna egitera etorri daitezen… GOLFEAN JOKATZEA
Klubaren xedea
Bazkideei eta bezeroei golfaren jardun osasungarrirako beharrezkoak diren zerbitzuak eskaintzea. Zelaia eta bertako instalazioak zein zerbitzuak (praktiketako kantxa, gimnasioa, jatetxea, denda eta lehiaketak) behar bezala egokitzea eta mantentzea. Langileek bezeroei banakako tratu atsegin bezain profesionala ematea.
Klubaren ikuspegia eta balioak
2026an, 250 bazkide baino gehiago izango gara, eta golf-jardunarekin zein gure instalazioen gozamenarekin bateragarria den bizitza soziala sortuko dute. Kluba eta bere kudeaketa sektoreko erreferenteak izango dira gure lanari esker.
GURE BALIOAK:
- Kontseilua: zintzotasuna, koherentzia, gardentasuna eta jasangarritasuna.
- Langileak: konpromisoa, errespetua, adeitasuna eta zerbitzua.
- Bazkideak: klubarekiko konpromisoa, ingurumenarekiko konpromisoa eta harro egoteko moduko kidetza.
Uraburu Golf, zure bigarren etxea
Uraburu Golfen, beharrezko instalazio guztiak dituen klub-etxe zabala dago, gure bazkideek eta bisitariek jarduera sozialaz gozatu dezaten.
Gimnasioa eta Aparkalekua
Sarbideko solairuan dago kokatuta, eta, beti-beti, klubaren ordutegian dago zabalik. Honako hauxe dago gimnasioan: zenbait bizikleta, spinningeko batzuk, lasterka egiteko zinta, 2 eliptika eta zenbait pisu-makina, besteak beste.
Areto zabalak
Lagunekin eta familiarekin gozatu inguruaz, atseden hartzeko eta Nerbioiko bailarako eta Kantauriar mendikateko ikusmira ezin ederragoak miresteko.
Bilera-gelak
Bilera-gunea dugu eskuragarri, bezeroak edo hornitzaileak ekarri ditzazun edo enpresako bilerak egin ditzazun, beharrezko zerbitzu guztiak eskaintzen dizkizun lekuan.
Kafetegia eta Jatetxea
Zuzendaritza aldaketa dela eta, kafetegia itxita egongo da abisu berrira arte.
Erraztasun guztiez jokatu golfean
Instalazio gehigarriak jartzen ditugu zure esku, zure joko-esperientzia hobezina izan dadin.
Makilen gela
Gure instalazio osoek beharrezko guztia dute eskuragarri, buelta on baterako hornitzeko eta prestatzeko.
Denda
Geure dendan, jokalariak golfeko buelta egiteko behar duen guztia daukagu salgai: osagarri txikiak (teeak, pilotak, eskularruak…) eta Ping zein FootJoy marketako golf-arropa.
Praktiketako kantxa
10. zuloko antzinako kalean dago kokatuta. Kantxak 195 m-ko luzera du, eta 11 postu ditu, bertara hurbiltzen direnak jokatzen hasteko, praktikak egiteko eta teknika hobetzeko.
Zelaia
Golf-zelaia Txema Olazabal golf-jokalari ospetsuak diseinatu du, eta, bertan, badugu geure kirol gogokoenaz gozatzerik naturaz inguratuta dagoen lekuan.
Klubarekin bat egin nahi duzu?
Uraburu Golf irabazi-asmorik gabeko sozietate anonimoa da, onbideratuta dago, ez du inolako zorrik eta bazkideek eurek kudeatzen dute.
